Design a site like this with WordPress.com
Get started

Ako Naman Sana

Lumuluha ka na naman,
Palagi na lang ganyan.
Kailan mo ba siya kalilimutan?
Tapos na ang inyong sumpaan.

Matagal na panahon na rin;
Ilang araw na ang dumating.
Magkaiba na kayo ng daan,
Magkasalungat sa bawat hakbang.

Tila hindi ka napapagod.
Ako ay walang ibang maisasagot
Kundi ang pagtahan mo’t pagbangon —
Hayaan na ang nagsidaang panahon.

Ang buhay, hindi lagi masaya,
Minsan hindi aayon sa’yong ikaliligaya.
Wala kang iba pang magagawa,
Kundi tanggapin at ituloy ang paghinga.

Bakit hindi mo subukang lumingon,
Nandito naman ako ngayon?
Naghihintay na iyong mapansin,
Naghihintay na iyo ring ibigin.

Handa naman akong magbigay
Ng oras, panahon, at buhay.
Kung iyon ang ‘yong gugustuhin,
Ikaw ay aking susundin.

Inaamin ko, mahal kita.
Hindi alam kung saan nagsimula.
Sa tuwing ikaw ay makakasama,
Langit ang aking nadarama.

Napakasaya sa tuwing ika’y nakikita —
Oras ay gustong itigil pansamantala;
Sulitin ang mga bawat sandali
Na ikaw ay nasisilayang nakangiti.

Munting pangarap sa aking isipan,
Sana ay magkaroon ng katuparan.
Nandito lang ako para sa iyo, giliw.
Hihintayin kang maging handa muli.

© jpethoughts, ca.2011

Advertisement

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Start a Blog at WordPress.com.

Up ↑

%d bloggers like this: